غناوي علم عل نار الياس والخطاء والبكاء
صفحة 1 من اصل 1
غناوي علم عل نار الياس والخطاء والبكاء
النار
خلاني عزيز رماد امغير فيش يا نار والعه
اللي ننشده ع النار أيقول في ياما لذعت
اللي نشكيله م النيران ايقول كلتني لي زمان
تهنا يا القديم علي النار خذت غايتا في
تصليب جابها ع الكبد خبير يا علم نار الغلا
بلا قشوشه للنار اتشيط نوحلوا في ردمها
الياس
عزيز بندرو له ناس غروبه مشا في طوعهم
ننسوا فيه يوم ابيوم عزيز نين ياساته مضن
تباعد عليك عزيز أجبال ياس دونه ظلمن
عزيز من دناه ايست وما أنريد فيت طاريه سادني
درت غلا و أوخذ قدامي كلا من تعكيس أيامي
درت غلا و أوخذ م الساعة في جرت لاخرين اداعا
نا والعين جريت عليهم ما صارت قسمية فيهم
لقسام واخذات عزيز لغيري ونا عوني رقد
صنم شكيت له م الياس جبر ابخاطري وقال يقسموا
شدي عزايمك يا عين يفنى العمر يا بال الغلا
اندير الغلا وايضيع ملطوط فيه بختي نا اللي
اتقول راضعين امعاه علقت الياس فينا طولت
الياس في فراش الموت كلم ظناه وصاهم علي
البكاء
بلاش رقرقة يا عين عزيز كان مقسوملك ايجي
الخاطر لو كان أيشاكيك بعزمك هاذاك أيبكيك
تبكن واللا ما اتباكن هك وهك عزيز رخاكن
تضايق ان كان اسكتت وان هي بكت مي باده
بكوها عقاب الليل لاهناك دوج لا وين نلتجي
تنويعك يا عين ايضرك ع المرهون ابكي في سرك
الخطا
اللي هلبه يوم خطاك طويل عمر ثاريت خاطري
يوم خطا لولاف انعاني ذاهب جابوني جيراني
يوم خطاهم خفت انغفي نصبح لمباكر متوفي
دونك يا مولاي انصفلي خان الصوب وهو حالفلي
يا عيني خليهم عنك صار خطا منهم مو منك
اعشمي في عزيز ايبان برهاني قوي غير ع المهل
الموت كاينه واتكون خطاك هو اللي واعر علي
جرحي وين لمستا دمم قيسا م لولاف امسمم
العقل ما ينام الليل سطير جرح لولاف سمره
اتمني ان ينال اعجاب الجميع
بنت لجواد- كبيـر المشرفىن
- عدد المساهمات : 17
تاريخ التسجيل : 02/06/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى